Klasteri për Prodhim dhe Zinxhirë të Furnizimit përfaqëson bizneset prodhuese, përpunuese, shpërndarëse dhe ato të logjistikës.

Përmes këtij klasteri, Oda avokon me një zë të unifikuar te institucionet për të siguruar infrastrukturën e duhur, politikat tregtare dhe një kuadër ligjor që mbështet të gjitha segmentet e zinxhirit të furnizimit.

Klasteri adreson drejtpërdrejt pengesat rregullative dhe barrierat tregtare, duke promovuar përmirësimin e shërbimeve doganore dhe thjeshtimin e procedurave kufitare, me qëllim lehtësimin e qasjes së kompanive në tregjet ndërkombëtare. Duke bashkëpunuar dhe duke avokuar kolektivisht për çështjet operative dhe ato të politikave, klasteri rrit konkurrueshmërinë e të gjithë sektorit dhe forcon rolin e tij në proceset vendimmarrëse.