Klasteri i Energjisë së Ripërtëritshme bashkon kompani të angazhuara në prodhimin e energjisë së pastër, teknologji dhe shërbime, me një mision të përbashkët për të avancuar tranzicionin energjetik të Kosovës. Avokimi fokusohet në çështje rregullative siç janë licencimi, qasja në rrjet dhe skemat stimuluese që ndikojnë në investimet në energjinë e ripërtëritshme.

Duke përfaqësuar sektorin privat në proceset e politikëbërjes, klasteri angazhohet për të eliminuar barrierat ekzistuese, për të lehtësuar transferimin e teknologjisë dhe për të krijuar kushte që mundësojnë rritje të qëndrueshme në tregun energjetik.