Marrëdhënie qeveritare
Departamenti për avokim dhe marrëdhëniet me qeverinë bashkon interesat e sektorëve, që janë të përfaqësuara në OEGJK apo të të gjithë anëtarësisë dhe në këtë mënyrë përfaqëson kompanitë e saj anëtare në raport me institucionet kosovare. Komuniteti i biznesit gjermano-kosovar mund të mbështetet në një përfaqësim të interesave që ndihmon në formësimin e agjendës ekonomike të Kosovës dhe përmirësimin e kushteve kornizë për investitorët gjermanë. Në të njëjtën kohë, ky departament është në dialog të drejtpërdrejtë me vendimmarrësit politikë dhe shërben jo vetëm si zë i bizneseve anëtare karshi institucioneve, por ka dhe rol informues për anëtarët e saj.
![](https://oegjk.org/wp-content/uploads/2023/05/hr-department-interview-young-female-applicant-1024x684.jpg)
Përveç avokimit, ky departament menaxhon edhe gjashtë grupet e punës, ose Kllasterët, brenda OEGJK-së dhe përgatit e publikon raporte ekonomike që janë në përputhje me agjendën dhe misionin e organizatës.
Oda Ekonomike Gjermano-Kosovare është anëtare në:
- Këshillin Kombëtar për Ekonomi dhe Investime (KKEI)
- Këshillin për Arsim dhe Aftësim Profesional dhe për të rritur, që operon në kuadër të Ministrisë së Arsimit, Shkencës, Teknologjisë dhe Inovacionit
- Grupin Punues për implementimin e projektit "Dritarja e Vetme e Kontaktit", që operon në kuadër të Ministrisë së Financave, Punës dhe Transfereve
- Task-Forcës për inicimin dhe implementimin e arsimit dual në kuadër të Komisionit Ekzekutiv për zhvillimin e sistemit të Arsimit dhe Aftësimit Profesional, që operon në kuadër të Ministrisë së Arsimit, Shkencës, Teknologjisë dhe Inovacionit
Personi kontaktues në OEGJK
ERIOLA MUHAXHIRI
Udhëheqëse e Departamentit për Marrëdhënie Qeveritare dhe Avokim
![](https://oegjk.org/wp-content/uploads/2023/12/Eriola-Final-scaled.jpg)