Prishtinë, më 19 Mars 2024
Nga sot fillon konferenca dy-ditore mbi dialogun e tranzicionit global të energjisë, Berlin Energy Transition Dialogue (BETD), e cila mbahet në Ministrinë Federale për Punë të Jashtme në Berlin, ku hapjen e konferencës e bëri Ministrja Gjermane e Punëve të Jashtme, znj. Annalena Baerbock dhe Ministri Federal i Ekonomisë dhe Mbrojtjes Klimatike, z. Robert Habeck.
Berlin Energy Transition Dialogue (BETD) për 10 vite me radhë shërben si një nga platformat lidere të dialogut në nivel global mbi tranzicionin e energjisë, e cila çdo vit mbledh mbi 2000 pjesëmarrës të nivelit të lartë qeveritar, institucione, organizata, ekspertë të fushës dhe CEO të bizneseve nga 50 vende të ndryshme të botës. BETD ka për qëllim të nxisë diskutime konstruktive mes ekspertëve të fushës dhe synon të gjej zgjidhje optimale për sfidat mbi tranzicionin e energjisë në nivel global dhe të promovojë rrjetëzimin ndërkombëtar në këtë sektor.
Drejtoresha ekzektuive e Odës Ekonomike Gjermano-Kosovare (KDWV-OEGJK), znj. Nora Hasani, bashkë me pjesëmarrës të tjerë nga Kosova si: Ministrja e Ekonomisë, znj. Artane Rizvanolli, Ministri i Mjedisit, Planifikimit Hapësinor dhe Infrastrukturës, z. Liburn Aliu, si dhe përfaqësues të ZRRE, KOSTT, INDEP dhe ekspertë të fushës janë duke marr pjesë në BETD 2024.
Ministrja e Ekonomisë, znj. Artane Rizvanolli, gjithashtu do të jetë pjesë e panelit të diskutimit: Dialogue Hub: Decarbonising the Economy.
Për më shumë informata rreth paneleve të diskutimit, ju ftojmë të vizitoni agjendën e BETD: https://www.energydialogue.berlin/betd-agenda/ BETD-Agenda
BETD organizohet nën ombrellën e Ministrisë Federale për Punë të Jashtme dhe Ministrisë Federale Gjermane të Ekonomisë dhe Mbrojtje Klimatike, në bashkëpunim me Shoqatën Federale për Energjinë e Ripërtëritshme (BEE), Shoqatën Federale për Ekonomi Solare (BSW-Solar), Agjencinë Gjermane të Energjisë (dena) dhe kompaninë eclareon.
Për më shumë informacione mbi Berlin Energy Transition Dialogue (BETD), ju lutem vizitoni faqen zyrtare në: https://www.energydialogue.berlin/ https://www.energydialogue.berlin/
